中醫皮膚科｜體質調理治本 改善皮膚問題

中醫皮膚科嘅睇法，係將皮膚視為身體內在狀態嘅一面鏡——臟腑出現病理性變化，好多時會喺皮膚反映出嚟。養康中醫館皮膚專科唔會只著眼局部病變，而係由註冊中醫師四診評估，查找五臟六腑發出嘅警號，再由體質入手調理；配合外用療法同飲食建議，標本兼顧咁處理各類常見皮膚困擾。

中醫皮膚科點睇病——「有諸內，必形諸外」

中醫經典《黃帝內經》記載「有諸內，必形諸外」，意思係人體內部嘅病變，必定會反映喺外。所以皮膚科中醫診症時著重嘅，係內在臟腑失調——以西醫角度理解，好多時即係內分泌、免疫或消化系統失衡嘅外在表現。例如體內濕濁積聚、荷爾蒙失調都會喺皮膚反映出嚟——呢啲情況只搽藥膏，係處理唔到體內根源嘅。

養康嘅皮膚科醫師多年來翻閱古醫籍，由多本中醫經方入面揀出針對性方劑思路，再按患者個人體質加減調配，祛濕、清熱、養血、潤澤多管齊下（方劑屬醫師臨床判斷，呢度唔會開藥單，亦唔建議自行執藥）。醫師亦會按體質建議戒口——例如某啲「發物」會誘發皮膚炎症，幫患者由日常生活配合治療。對於急性痕癢難耐嘅患者，治標同樣重要：本館配備天然草本止癢噴霧（不含類固醇同西藥），發揮「急則治其標」嘅作用，等患者喺調理期間都唔使日日?到破皮。

皮膚問題點分流——你嘅情況去邊一頁

養康皮膚專科擅長治理嘅皮膚問題分咗做幾個專題，揀啱路先唔會行冤枉路：

中醫皮膚科用咩方法治療

養康皮膚科嘅治療係「內外兼治」嘅組合：內服中藥由體質入手，按證型祛濕、清熱、養血、健脾，由根源調理；外用療法包括藥液蒸面、中藥藥膜同天然止癢噴霧，針對局部皮疹同痕癢即時舒緩；有需要時再配合針灸調經絡氣血。醫師亦會俾飲食同生活建議——皮膚病好多時同飲食、作息、情緒有關，調理期間嘅配合直接影響療效同翻發率。每個人嘅組合都唔同，首診評估後醫師會同你講清楚方案。

中醫皮膚科同西醫皮膚科有咩分別

好多患者第一時間會諗西藥——見效快係事實，但臨床上我哋都見過唔少個案：症狀壓咗落去，停藥之後又好快「翻發」，甚至演變成對激素嘅長期依賴。中醫皮膚科嘅方向唔同：除咗處理「標」（痕癢、紅腫呢啲即時困擾），更重視調理「本」——即係你嘅體質根源。兩者其實唔係二選一：正服用 A 酸、類固醇或其他西藥嘅患者，可以同時睇中醫調理，求診時記住帶齊藥物資料，亦唔好自行停藥。

皇牌療程——藥液蒸面同中藥藥膜

除咗內服中藥，養康皮膚科嘅皇牌係外用中藥療法：以濃縮中藥藥液蒸面，再敷上醫師研製嘅中藥藥膜，內外兼治提高療效。首診會用皮膚分析儀記錄皮膚狀況（費用已包喺診金內），醫師評估適合先會安排——特製中藥面膜療程 $350 起。詳情可以睇藥液蒸面及藥膜療法專頁。

收費同地址

養康中醫館位於尖沙咀海防道 38–40 號中達大廈 9 樓（地鐵站步行約 2 分鐘）。應診時間：星期一 15:00–20:00；星期二至六 11:00–20:00；星期日及公眾假期休息。首診流程好簡單：WhatsApp 或致電預約 → 填寫個人資料 → 會見醫師評估。

WhatsApp 9855 7183 預約皮膚科首診【皮膚科中醫】

主診醫師同團隊

養康中醫館成立超過 13 年，年診量逾 8,000 人次。皮膚專科由郭靜然註冊中醫師主理（香港中醫藥管理委員會註冊編號 008447），擅長以中藥內服配合外用療法處理各類皮膚問題；所有中藥沖劑由 GMP 認證藥廠生產。想進一步了解醫師背景，可參閱醫師資歷頁面，或瀏覽用家留言睇真實患者分享。

幾時要盡快求診

一般皮膚問題可以預約門診處理，但如果出現呼吸困難、喉頭或面部腫脹等嚴重過敏反應，應立即到急症室求診；大面積囊腫或化膿伴發燒，應盡快求醫（西醫／皮膚科）。另外，正服用西藥嘅患者唔好自行停藥；本館暫不接診孕婦，備孕或哺乳期請喺首診時告知醫師。

常見問題

皮膚科中醫係點樣睇病嘅？

同一般門診一樣由問診開始：睇皮疹位置同形態、問發作規律同誘因、再配合舌診脈診判斷體質。首診會用皮膚分析儀記錄皮膚狀況，之後按體質開內服中藥，需要時配合外用藥膜或止癢噴霧——目標係治標之餘，調返好個體質減少翻發。

中醫皮膚科同西醫皮膚科有咩分別？

方向唔同：西醫多數用藥膏、口服藥針對症狀本身，見效快但部分患者停藥後易翻發；中醫就由臟腑體質入手，內外兼治，重視調理根源同戒口配合。兩者可以互補——正在食西藥嘅患者可以同時睇中醫，帶齊藥物資料俾醫師就得。

睇中醫要唔要戒口？

多數要，但係按體質調整：醫師會按你嘅證型建議戒某啲「發物」（常見如海鮮、牛羊肉、辛辣、酒精），唔係人人同一張清單。戒口嘅目的係減少誘因，等藥物調理可以事半功倍。

中藥調理皮膚幾耐見效？

視乎皮膚問題類型同病程：急性痕癢、新發皮疹一般較快見到舒緩；慢性、牽涉體質嘅皮膚問題，就要按療程逐步調理，覆診時醫師會按皮膚記錄同反應調整方案，唔係一個方用到尾。

食緊西藥（例如 A 酸／類固醇）可以同時睇中醫嗎？

可以。中西藥並用係常見做法，但要注意時間配搭——求診時帶齊你而家食緊嘅藥物資料話俾醫師知，醫師會安排適合嘅服藥時間同方案。最重要係唔好自行停西藥，任何調整都應該由醫師判斷。

點揀皮膚科中醫？

一般建議睇三樣嘢：係咪註冊中醫師（可以喺中醫藥管理委員會名單查編號）、診所有冇清晰收費同療程說明、醫師肯唔肯解釋體質同治療方向而唔係淨係開藥。養康嘅皮膚科由註冊中醫師主理，診金劃一 $100，收費同流程都喺頁面寫明，求診前可以先 WhatsApp 查詢。

相關專頁

• 中醫濕疹治療專頁——濕疹分型、針藥同治療流程
• 暗瘡中醫治療專頁——暗瘡分型同內外兼治
• 蕁麻疹中醫治療專頁——風癩風疹嘅中醫處理
• 玫瑰痤瘡中醫專頁——同暗瘡點分、中醫點調理
• 脫髮治療專頁——各類脫髮嘅中醫方向
• 藥液蒸面及藥膜療法——皇牌外用中藥療程

本文只作一般健康資料參考，不能取代個別診斷或治療建議；如有疑問，請向註冊中醫師或醫生查詢。