中醫針灸係乜？
中醫針灸係中醫常用嘅外治療法之一，歷史悠久，自古代已有記載，源遠流長。針灸原理主要透過毫針刺激相關穴位，以達致調氣、調神嘅目的，令五臟六腑嘅陰陽氣血趨向平衡，做到既病防變、未病防病。中醫針灸喺香港已見普遍，香港人對針灸並不陌生，無論係痛症舒緩、婦科調理定係保健養生，唔少人都會諗起呢門傳統療法。
針灸其實包括「針」同「灸」兩部分：針係毫針刺穴，灸係艾草溫灸。兩者經常配合使用，但各有側重——針法側重疏通經絡、調和氣血，灸法側重溫經散寒、扶陽固脫。本館嘅針灸療法由註冊中醫師辨證主理，視乎病情配合其他療法。
針灸會唔會痛？乜嘢係「得氣」？
亦有人一聽到「針灸」二字，會問會唔會痛，或者因為針刺手法具有入侵性而有「唔安全」嘅誤解。其實針灸對人體並無明顯副作用，針刺時出現嘅酸、麻、脹、痹感，正正係針刺到位嘅正常表現——呢種感覺叫「得氣」，基本上冇注射疫苗或抽血時嗰種明顯刺痛感覺。
養康點樣做針灸？
養康中醫館採用嘅毫針全部係韓國進口、一次性使用嘅無菌針灸針，用完即棄，安全衛生。
期間，醫師會運針進行補瀉手法，令病人有酸、麻、脹、痹嘅「得氣」感，得氣之後療效更佳。對於痛證，熟知人體解剖特點嘅醫師會運用毫針刺入相關痛點，並配合其他治療手段例如拔罐、AI 古法艾灸等，從局部直接緩解緊繃嘅肌群或筋腱，止痛效果迅速而理想。
此外，本館醫師亦活用中醫針灸理論，透過特定經絡、穴性進行選穴配伍——例如虛證病人可選脾腎二經或腹部任脈嘅保健穴位，以培補先、後天之氣。針對局部痛點施針嘅同時仍能辨識調理整體體質，收到疏通經絡、調和臟腑、調暢氣血嘅功效，繼而達到扶正驅邪、治療疾病、保健養生嘅目的。
針灸對應邊啲病症？
據世界衛生組織統計，約有 43 種病症可以用針灸進行治療，當中包括肩周炎、頸椎毛病、腰肌勞損、面癱、腰椎間盤突出、骨性關節炎、扭傷、中風後遺症、鼻炎、慢性結膜炎、慢性咽喉炎、胃炎等。香港人亦廣泛選用針灸作治療。
喺本館，針灸常用於以下調理方向：
- 痛症：經痛、頭、頸、腰、背痛等——針對痛點施針配合拔罐等療法，從局部緩解緊繃嘅肌群或筋腱，止痛效果迅速——詳見痛症治療
- 婦科：經痛、婦女不孕等體質調理——以針灸疏通經絡、調和臟腑氣血，改善宮寒同經期不適嘅體質基礎——詳見婦科調理
- 減重：針灸減肥透過對神經、內分泌同物質代謝嘅全身整體調整達到減磅目的，局部取穴配合電針有節律咁刺激腹部肌肉（如腹直肌），有助強化腹部肌肉以增加新陳代謝率——詳見中醫減肥治療
- 保健養生：虛證調理、扶正祛邪，未病防病
中醫自古有云「肥人多痰濕」，針灸選經亦可選脾胃二經，例如豐隆、血海等穴位，調理一身陰陽氣血。
針灸治療過程係點？
第一次求診嘅病人，醫師會先透過「望、聞、問、切」了解體質同病症根源，再決定穴位配伍。施針時醫師會用一次性無菌毫針刺入相關穴位，並視乎情況運針行補瀉手法或留針一段時間；病人一般會感到酸、麻、脹、痹嘅「得氣」感。針後醫師會講解注意事項，按需要安排覆診或配合其他療法。
邊類人唔啱做針灸？
- 孕婦：本館暫不接診孕婦
- 對金屬過敏者：施針前需告知醫師
- 有長期隱疾者：建議先徵詢醫生意見
無論任何人，喺接受針灸或其他治療前，宜先徵詢註冊中醫師或醫生意見，留意個人身體狀況，並留意治療場地是否衛生乾淨，確保安全又安心。
出現呼吸困難、喉頭或面部腫脹等嚴重過敏反應，應立即到急症室求診；大面積囊腫或化膿伴發燒，應盡快求醫（西醫／皮膚科）。
想知更多針灸資訊？
針灸前後要注意乜、針後護理點做，詳見針灸須知；針灸療程一般做幾多次、隔幾耐做一次，詳見針灸療程頻率講解。
尖沙咀針灸診所點揀？
揀針灸診所，最緊要係施針者係註冊中醫師、針具係一次性無菌、場地衛生乾淨。養康中醫館位於九龍尖沙咀海防道 38–40 號中達大廈 9 樓（尖沙咀港鐵站附近，交通方便），由註冊中醫師郭靜然（註冊編號 008447）主理。郭醫師擁有中醫學學士及針灸科專業醫學士雙學位，本館成立超過 13 年，年診量逾 8,000 人次，擅長以針灸配合各種中醫療法治療痛症、婦科及皮膚科問題。
預約流程
- WhatsApp 或致電預約
- 填寫個人基本資料
- 會見醫師
診金 $100（每次），歡迎透過 聯絡養康、WhatsApp 或電話預約查詢。
有關針灸療法——常見問題
中醫針灸可以治療邊啲病症？
據世界衛生組織統計，約有 43 種病症可以用針灸治療，包括肩周炎、頸椎毛病、腰肌勞損、面癱、腰椎間盤突出、骨性關節炎、扭傷、中風後遺症、鼻炎等。實際係咪適合要由註冊中醫師面診判斷。
接受中醫針灸治療會否有副作用？
除非施針者施針不當、未消毒雙手，或針具及其他器具未經消毒清潔，否則除咗微痛外，一般不會有不良副作用。本館全部使用韓國進口一次性無菌針灸針。
針灸治療前需要做邊啲準備？
一般正常飲食、避免過飽或過餓就得，詳細針前針後注意事項請睇針灸須知一文。
針灸後出現疲倦或痠軟係咪正常？
部分人針後會有短暫疲倦或痠軟感，多屬正常調理反應，休息後會消退。如持續不適請向醫師查詢。
針灸可唔可以配合其他中醫療法一齊做？
可以，例如配合拔罐、艾灸等，具體組合由醫師按體質同病情決定。
針灸治療痛症一般幾耐見效？
效果因人而異，視乎病情、體質同治療次數；療程頻率安排可參考針灸療程講解，實際由醫師面診評估。
針灸係咪適合長期保健同養生？
針灸可用作保健養生，透過調理臟腑氣血扶正祛邪；實際安排因人而異，由註冊中醫師評估體質後決定。
點揀好嘅針灸中醫師？
要搵具備註冊執照嘅針灸中醫師或其他相關醫護人員作治療，留意針具係咪一次性無菌、場地係咪衛生乾淨。本館由註冊中醫師郭靜然主理，詳見醫師資歷。